Politika e privatësisë

1. Çfarë mbledhim

Llogaria: email, fjalëkalim (i ruajtur vetëm si hash), emër, telefon dhe gjuha e preferuar.

Bizneset: emri, NIPT, kontaktet, adresa, orari, fotot, produktet dhe shërbimet që publikon shitësi.

Aktiviteti: kërkesat për ofertë, ofertat, mesazhet, artikujt e ruajtur, porositë dhe adresa e dorëzimit, statusi i pagesave (jo të dhënat e kartës), dhe të dhëna teknike si adresa IP dhe regjistrat e gabimeve, për siguri.

2. Pse i përdorim

Për të ofruar shërbimin (llogaria, kërkesat, porositë, njoftimet), për t'i çuar kërkesat te shitësit e duhur, për sigurinë dhe parandalimin e abuzimit, për të përmbushur detyrime ligjore, dhe për ta përmirësuar URA-n.

Përshkrimet e kërkesave dhe produkteve përpunohen me inteligjencë artificiale për t'i klasifikuar dhe për të gjetur përputhjet.

3. Kush i sheh

Shitësit nuk shohin emrin dhe kontaktet e tua kur u shkon një kërkesë për ofertë; kontakti nis nga ti. Kur paguan një porosi, shitësi i atyre artikujve merr emrin, telefonin dhe adresën që dhe për atë porosi.

Përdorim ofrues që përpunojnë të dhëna në emrin tonë: Oracle Cloud (pritje, BE), Cloudflare (rrjet dhe siguri), OpenAI (klasifikim me AI), Resend (dërgim email-esh), OpenStreetMap/Nominatim (kërkim adresash) dhe ofruesit e pagesave (p.sh. PoK). Nuk i shesim të dhënat e tua.

4. Sa kohë i ruajmë

Sa kohë llogaria është aktive dhe aq sa kërkon ligji pas mbylljes (p.sh. për porositë dhe pagesat). Regjistrat teknikë ruhen për një periudhë të kufizuar.

5. Cookies

Përdorim cookies të nevojshme për hyrjen në llogari, sigurinë dhe gjuhën, dhe ruajmë shportën në pajisjen tënde. Nuk përdorim cookies reklamash.

6. Të drejtat e tua

Mund të kërkosh qasje, korrigjim ose fshirje të të dhënave, të kundërshtosh përpunimin ose të kërkosh kufizimin e tij. Shumicën e të dhënave mund t'i ndryshosh vetë te profili; për të tjerat na shkruaj në info@ura360.com.

Llogarinë mund ta fshish edhe vetë, te Profili → Fshi llogarinë. Fshirja është e përhershme: fshihen emri, emaili, telefoni, bisedat me asistentin dhe të ruajturat, ndërsa porositë e paguara dhe pagesat ruhen pa të dhënat e tua personale aq sa kërkon ligji. Nëse menaxhon një biznes në URA, së pari kërko heqjen e biznesit.

Nëse mendon se të dhënat e tua nuk trajtohen siç duhet, mund t'i drejtohesh Komisionerit për të Drejtën e Informimit dhe Mbrojtjen e të Dhënave Personale.

Pronari i një biznesi të listuar mund të kërkojë ta menaxhojë profilin ose ta heqë atë nga faqja e biznesit.

7. Kontakt

Për çdo pyetje mbi privatësinë: info@ura360.com.